Гады лятуць: апошні месяц праекту

Шэсць гадоў таму я стварыў сайт каб збіраць інфармацыю пра гісторыю Навозаў. Гэта праца будзе перапынена ў гэтым месяцы. 

Магу адзначыць тры перыяды праекту. 

• Спачатку, інфармацыя збіралася вельмі хутка, але амаль кожны тыдзень адкрываліся новыя матэрыялы. У архівах, энцыклапедыях, на форумах было шмат звестак пра Навозы, мапаў наваколля, людзей якія шукалі і публікавалі генеалагічныя звесткі. Было ўсё цікава і хаатычна! 
• Потым, падключыліся нашчадкі і былыя жыхары Навозаў. Мы сабралі шмат асабістых гісторый, фотаздымкаў, сведчанняў. Было сабрана яшчэ больш архіўных дакументаў. Паставілі мэту выдаць кнігу пра гісторыю Навозаў. Сабралі і разаслалі чатыры нумары Навозаўскага Летапісу. 
• Апошнім часам, усё спынілася. Верагодна першаснай прычынай была пандэмія, праз якую былі спынены ўсе вялікія мерапрыемствы. Потым, адбыліся пратэсты 2020 года і хваля грамадскай напружанасці, ад'езд некаторых удзельнікаў за мяжу. Апошні год верагодна што праз вайну і ўзмацненне рэпрэсій, зносіны паміж удзельнікамі амаль зусім спыніліся.

А тым часам гады лятуць. Некаторыя сталыя ўдзельнікі якім была абяцана кніга пра гісторыю Навозаў адышлі ў вечнасць. Спасылкі на некаторыя рэсурсы/сацыяльныя сеткі ўжо не працуюць, некаторыя матэрыялы зніклі. Я прыйшоў да высновы што кніга ў тым "ідэальным" выглядзе які мы прызналі на пачатку ўжо не выйдзе. Таму час праэкт зачыняць і падводзіць высновы. У наступны месяц я збіраюся зрабіць дзве рэчы: 

1. Сабраць усе матэрыялы якія былі на сайце ў адзін файл, які кожны зможа сабе надрукаваць.
2. Наколькі магчыма дадаць інфармацыю на старонку Навозаў у Вікіпедыю. Там ёсць надзея што яна праіснуе трошкі болей часу. 

Усім хто гатовы ў гэтым дапамагчы ў гэтым апошнім этапе, прашу звяртацца да мяне наўпрост. Пасля гэтага праз некаторы час, Facebook група зачынецца і старонка знікне (акрамя базавых звестак). 

Дзякуй усім! 
Васіль, рэдактар navozy.blogspot.com